今日3點幾先起身....死啦...最近又開始遲訓遲起身啦><""
本身今日諗住去阿wing屋企玩下既~
點知佢爸爸係到...所以冇得去....嗚~~~~
呢幾日都唔知咩事....星期四開始約~
星期四約去睇戲...最後因為阿sac冇得去~
星期五又約多次去睇....最後因為我冇得去~
星期六約去swimming....最後因為大家既媽咪煮遲左飯..又冇得去~><""
真係好黑唔開心嫁....平時一星期都可以出一次~
今個星期都唔知發生咩事....日日都出唔成-.-"""
咁都冇計..起身玩下電腦...同阿wing傾msn~
唔知點解阿wing冇啦啦話不如今晚出黎啵~
咁當然好啦...但都有小小怕好似前幾日既事又發生~
哈哈....唔知佢係唔係我肚入面個條蟲呢??
我都冇講出黎...佢就知道我想點咁~真出奇~
有你呢個好朋友真係死而無憾^^""
咁最近我都好想去睇戲啵...咁就去左睇戲啦~
我整好D野5點幾就出門口啦...我到左個時佢都到左啦~
咁就上去買飛啦^^""今次係我地第二次一齊睇戲~
今次我地睇LAUGHING GOR 之變節~
但因為未夠...所以我地係apm行下~
行到冇野好行....我又未食過野肚餓~
所以我地去左m記到買小小野食...坐係到傾下計~
估唔到傾左咁多野...不過都係我講既><""
坐到7點幾就走啦....開始行過去~
一路行都一路講...><""唔知有冇悶到你呢??
咁我地行到去個時都未入得...咁我地就係門口等啦~
冇幾耐就入得去睇啦....就黎9點個時就完啦~
其實都唔錯既....笑位多囉^^""不過冇想像中咁好睇~
哈哈,,,,我都好耐未試過同朋友一齊睇戲...仲要笑咁大聲~
真係好難得...哈哈~
咁睇完之後去搵野食啦....搵野食既其間就行下街啦~
因為大家都冇錢/唔想洗咁多錢既關係~
所以大家都係得個睇字^^""最後去左大快活食火鍋~
本來都幾開心既...難得第一次一齊係到食火鍋~
點知冇啦啦隔黎"木台"有2條仆街~
初初我去拎野個時阿wing同我講佢地問可唔可以一齊坐~
我都覺得佢地有D問題嫁啦...不過算啦~
都唔想理佢地...點知佢地真係好撚黑人憎囉~
係咁講野...講又講得唔正啵...又要大大聲啵~
真係唔明點解觀塘會出一班咁既人><"'
唉....搞到我要食得勁快....真係想殺左佢地呀~
因為成日冇水既關係...所以我地都要食左成2個鐘~
11點走人...因為食得太飽...所以我地係到行左一陣~
太夜啦...冇野好行...所以我地就走人啦~
一上車阿wing就打黎陪我傾電話^^"""真好人~
返到屋企樓下...去拎完信就收線返上去啦~
點知入x既時候有個40幾歲既男人一齊入啵~
本身都冇咩野...但唔知點解佢係咁望住我啵~
仲要行得好近個隻-.-""到我出x既時候~
我聽到佢唔關門啵....仲要我行到返屋企門口我先聽到關門聲啵~
真係好黑驚..唔知係唔係出左x~
所以好快就開門入屋....點知一入屋媽咪冇啦啦係門後面啵~
妖,,,,真係俾佢嚇死呀><""
好彩最後都冇事...好平安咁返到屋企~
跟住就傾左一陣msn...去沖涼~在玩電腦~
睇電視...整野俾爸爸食....早上8點幾先入房訓~
因為要等佢地返工我先可以入去><""嗚........~
