今朝媽咪叫我陪佢去觀塘街市買野,

由7.40am 行到差不多10am. 出發時,

由屋企行路去觀塘, 返黎時拎好多野行返黎.

行到腳趾好痛.

返到屋企一口氣飲左半杯橙汁,

然後研究點整網頁, 但係都係唔識整.

How stupid I am!!

食完飯, 媽咪又叫我同佢去行深水步,

我以因好快就行完, 於是就去la!

搭車去大角咀, 行左一大段路,

原來我阿爸要去探姑姐. 坐左一陣就走!

跟住, 行左一陣深水步又行一大段路去旺角.

唉!行死我 la! 行到我塊臉紅卜卜,

嚇死街上既行人. 我想去萬寧買支水飲降溫,

但係賣曬! Not fair!! 唯有繼續行.

行完花園街又行女人街. 哎呀呀!

唔想死都幾難呀! 不過, 我都唔執輸,

我買左六杯珍珠奶茶.

唔好以為我飲曬 bor! 有兩杯買黎飲,

兩杯買俾阿哥同阿妹飲, 其餘睇下邊個好彩 la!

Mum, brother , me and my sis love to drink bubble milk tea. 

行到4.30pm , 阿妹打電話黎話無帶鎖匙無門入,

所以我叫媽咪快d返去!

搭車返到屋企見阿妹企左門口度,

一見到珍珠奶茶就笑到見牙唔見眼!

不過, 媽咪煲左糖水, 要阿妹糖水,

明日才飲奶茶, 當然失望 la!

但係我話俾我在深水步買既袋既時候,

佢又開心番la!