●×..衰鬼﹏'|°╔○＊．║誰來愛我└◆。┐

2006 年 12 月 28 日星期四

*[°●又病..＊　'/|▌

真係唔知做乜嘢...身體又變得好差...尋日又發燒了...呢排第2次啦!!!!!!!!!!

今日先去完睇醫生...去個時仲差少少就嘔...好耐都未試過咁唔舒服啦~!!!!

今次真係病得好辛苦...令我諗返起小學個時既自己....個個星期都嘔一次..

成日都唔舒服同暈...真係好潺...好唔容易升到中學因為打波身先變好...

又因為自己某個問題而攪到自己身體娛差....唉...好辛苦呀!!希望我快D好返..

刊登時間︰2006-12-28 03:47 AM [ 訪客留言(2) ] [ 編輯日誌 ] [ 分享至FACEBOOK ]

2006 年 12 月 3 日星期日

●×悶..﹏○。

唉...近排真係好唔開心呀...成日都覺得好悶~見咁耐無打過日記就打吓啦~

真係唔知做乜鬼嘢...乜都做唔好咁~真係好煩!!!唔通又"日經失調"..好煩呀!!

話時話,,原來上篇日記都已經係9月11號~真係差唔多成3個月無打過日記~

睇嚟我呢個人真係好無耐性打日記...又可以話係根本懶到出汁....=.="!!!!!

希望遲d有改善啦...最好對咩事都係變得有耐性d....咩都勤力d...咁就好!!

唔好再好似對乜都唔認真咁...攪到成日好似無所事事...自己又覺得煩~!!!

好似近呢幾個月咁...一堂都無上過...又唔溫書...成績真係差到爆哂燈!!!

跟住其他嘢又好似好無心去做咁....真係做乜都做唔好....點解社會係咁~

一定要咩都努力先得...唔覺咁會迫到好多人有精神病架咩....好黑人憎呀!!

刊登時間︰2006-12-03 08:54 PM [ 訪客留言(1) ] [ 編輯日誌 ] [ 分享至FACEBOOK ]

2006 年 9 月 11 日星期一

=...911..=

呢排都無乜打日記~因為都係諗唔到有乜好打...不過今日我終於諗到la...kee!!!!!!!!!

就係我就快去嘉福住啦....今次真係唔係講講吓~真係搬過去住...最遲下星期一~

真係好開心呀.....雖然可能暫時乜嘢都無得玩.....但我估呢幾個月就會買齊d嘢~

最好快d有電腦啦....仲有最好搵到個人幫我砌部平靚正嘅機出嚟~唔係都唔知點..

仲有好好好多嘢要買...唉~雖然唔係自己一個住~但係感覺都好好...哈哈~自由!!

到時搬咗過去...就要朋友們多d搵我玩啦!!!!!唔係無嘢玩...我就真係等發霉=.="...

講完開心嘢...講吓d悶嘢先~就係返學啦~日日上堂望落堂.....返學望放學~悶死!!!

真係比上年悶好鬼多~不過都明嘅...個個都為自己嘅未來努力...但真係好悶.....

好彩都仲有人同我吹水..哈哈~睇嚟就快俾人鬧我傾偈....不過其實都驚告過幾次..

呢排返學呢講....今日都算ok...開始無咁悶~係有d堂都仲係好想瞓...真係頂唔順..

希望一日好過一日啦....唔係就唔知點算~仲有....我要俾心機讀書!!!(希望做到=.=)

係努力讀書前....點解我on唔到msn架!!!!我要on呀!!!!on到icq都無乜人玩嘅....HELP!!!!