好耐都未打過問與答啦

好啦今日講ge係生同死

依家好多年青人諗野經中樞系統再反彈

姐係諗野唔經大腦

郁d就話界手跳樓同自殺

咁唔珍惜生命

我諗你死左之後你d親人同老友一定唔會好開心咁話::

你死左啦~好野<-----此類應送去青山留醫

我有一位朋友

學人地走去界手

我叫佢唔好界

點知佢又走左去界

搞到我火到番到學校鬧佢

因為當我知道左佢界手果一刻

我就下定決心一定要鬧醒佢

就算比佢嬲我一世我都要鬧到佢醒為止

結果,佢應承左我以後都唔界手

其實..界手有乜咁好玩

痛到飛起,又要流血

處理得唔小心出血過多

又會byebye都冇講就abc左

跟住又有大把人為你傷心為你喊

.........敢問一句..值得咩?

-----------------------------------------------

到自殺,

自殺一係跳樓一係燒炭一係就係咁食安眠藥

死得最快係跳樓

但係會死得好樣衰.....d血同肉飛哂出黎,腸臟果d都彈左出黎

燒炭一定要係你訓覺果時

因為萬一你燒燒下訓唔住就大獲

死唔眼閉....真悲慘

係咁食安眠藥都好衰

死左要比法藥剖胃、剖哂你全身

死唔去又會變植物人

又要插喉管又乜又物

害人害己

所以唔死就最好

起碼有d貢獻啦~

死左乜都冇哂,在生就仲有大把野等你去做

所以,唔好咁容易話去死就真係走去死

如果係咁ge話,你真係一個好軟弱ge人

-------------------------------------------------------------

好多人問::點解你會叫money咁搞笑ge?

其實呢個名字ge由來,一d都唔搞笑

係我三歲果時

我黎左香港讀書,果時係我伯娘湊我

佢幫我改左個英文名就叫money

佢話因為我叫敏利,moneymoney好順口= =''

跟住我三年班果時我跟番我呀媽同老豆

到五年班ge時候,好戲劇性ge悲劇發生左

我伯娘...比一部的士撞親

本來去到醫院都check都冇事

跟住係醫院canteen

佢就暈左......原來係斷左幾條肋骨

係咁內出血,跟住救唔番.......佢就咁走左

跟住我係醫院係咁喊,一路怪自己冇報答到佢

喊喊下,諗通一樣野,就算佢死左,佢都存活係我ge記憶同心中

果時只有5年班,係測驗果時,承受左呢個巨大ge壓力

令我考得唔係咁好,不過總算後來居上

佢死左之後,我就一直叫做money

------------------------------------------------------------------

一個人成熟,係因為佢已經經歷左人生另一個階段

我唔介意將我ge故事拎出黎分享

但係你地唔好拎出黎當笑柄

--------------------------------------------------------------

電腦堂,我話::東方神.......

豆豆::邊度邊度?!

我::我睇緊東方神犬呀.........

豆豆::= =||||......