今日一早起身番左學校補化學•••

補習o個陣，聽到唔知邊個講話威志部電話全部都係〝她〞同嚴欣D sms，其他人就一個都冇•••

〝她〞佔最多•••

唉•••算啦•••都係唔好理•••

補完個習，就落左去教員室偷左條鎖匙去開龍門個鎖•••

之後就鬥波•••鬥左唔係好耐，

就出左去M記食野•••

食完又再番學校踢波•••

踢踢下，我〝炒飛機〞•••==踢左個波出去

之後阿Wa幫我汁番，個阿Wa又唔肯就禁拎番上黎•••==

係要踢上黎•••但係又踢唔到上黎喎•••==

之後比個差佬見到•••比個差佬鬧•••(因為阿Wa佢o係正馬路中心踢==)

好彩冇比佢拉番去o者==

今日足足踢到5點幾•••==

學校咩都鎖曬•••==

連門都鎖埋•••禁之後我地就爬出去lu•••

出到去，我地就各自番歸•••

我就去左阿婆屋企食飯∼

食完就番屋企lu∼

今日我無聊過頭add左〝她〞•••

〝她〞話唔識做功課，我就諗住幫下〝她〞啦∼

點知我都唔識•••==

唉•••真係好想幫〝她〞呀•••

呢排真係好唔開心•••好想喊•••

希望快D冇曬D唔開心嘰事•••

好想好似以前禁過D開心嘰日子•••

唔想再有唔開心•••

今日同如常同威志一齊番學∼

我果然冇再嬲佢•••==

噢~冇嬲就算lu∼

第一堂，Maths，本身係生物堂•••不過黃Sir今日要戴唔知咩隊

所以冇得上生物堂•••唉~悶死•••

上完Maths同化學，就上P.E. lu~

今日跑狗(9分鐘跑)•••得o個18個圈•••唉~越大越屎==

之後小息∼我去買野食嘰時候，〝她〞走去威志到比野威志•••

唉，佢就好啦•••好妒嫉佢•••

臨小息完，我同威志都比Miss麥鬧•••==

之後中文堂前比劉Sir審我地•••==

劉Sir勁鬼惡•••

之後我同威志講番個事實比佢聽，又笑番•••==玩呀•••？

審完我地就上堂lu∼

成堂都係聽人地小組討論∼

聽到落堂•••

lunch之後，又要上多次Maths堂•••

之後就去禮堂聽野~

D人做戲好搞野呀~>3<

聽完野，要去104室補番小測∼

小測o個陣見到〝她〞•••

小完個測，個粉人Miss林又要留我o係到作文•••

我頂∼！！作乜Q呀~！！之後o係到同Miss林o係到嘈•••

嘈完就作文•••

作完之後，我諗起好多勁唔開心嘰野•••

反正我都唔開心，禁我就想了埋自己件心事•••(←因為遇左係冇好結果•••)

但係〝她〞比我嘰答覆好唔明確•••我真係好想知個結果•••

雖然個結果多數都唔會係好對我黎講•••

不過了完件心事總算係舒服D•••

唉•••

之後我7點幾o係學校番屋企•••

番到屋企又要補習•••

補習都係冇咩心機•••

之後我臨訓前睇左〝殺破狼〞

好好睇呀!甄子丹同任達華做戲超得呀∼！！又靚仔喎佢地∼！＞３＜

不過總括黎講今日都幾唔開心下•••

如果〝她〞可以比個更好嘰答覆我就好lu，無論係肯定係唔肯•••

唉•••

今日部電腦終於好番lu•••

終於可以繼續打日記∼

但係今日真係冇乜心情打•••

今日第一次嬲威志•••

我禁嬲佢係因為佢整鬼爛左我張小測卷•••==

其實呢D禁小嘰事正常黎講係唔會整嬲我•••

可能係因為〝她〞呱•••

因為威志佢成日都有得同〝她〞玩sms，而我就•••

所以唔知係唔係我妒嫉先會禁嬲呢•••？

但係我今日一上〝她〞個日記，見到最新o個篇又係o係到講威志•••

o個陣我真係想死禁濟•••唉

真係好耐冇試過禁討厭嘰感覺•••又嬲又痛(←我諗大家都知我邊到痛架啦==)

希望聽日我會冇禁嬲啦•••==

今日上堂嘰時候冇咩特別∼

只係商業堂o係到小測，有９０％嘰野都唔識做•••==

上完個商業堂，就放學lu，因為今日有咩教師發展日，所以今日放早∼

放學o個時，見到〝她〞呀∼＞３＜

偉健∼有你o係到真係好∼因為你可以叫到〝她〞過黎∼

之後我地就食飯lu，食食下，見到〝她〞同〝她〞D fd o係門口到•••

個雪鈴叫我出去，但係我怕怕唔敢出•••==

過多冇耐雪鈴入番黎，就同我講話我叫〝黑包包〞==

唔知邊個幫我改嘰呢∼？如果係〝她〞幫我改就好lu∼≧３≦

我地食完野之後，就番學校踢波∼

個黃達明都唔知搞乜鬼•••踢波鬼死禁認真•••==

好似踢贏左會有錢分禁•••==又成日叫我地認真D•••

嘩∼大佬呀∼我地踢波都係想輕鬆下o者•••==搞到好似比賽禁•••

搞到今日早放等於冇早放過禁•••==勁(支力)•••

踢波o個陣，阿Wa射波，差少少就射到我•••我避開左，不過我副眼鏡避唔到==

搞到副眼鏡爛Q左==

踢完波之後，我就上左阿(女麻)屋企食飯~

食完就番屋企lu~

剛剛差唔多打完之後就hand 機==

頂你丫•••

唉∼就禁講精要嘰算

今日威志見到嚴欣即刻走開，笑鬼死我∼

抵你死啦~==講大話丫拿~哈哈哈

今日佢仲要o係中文堂向窗出面叫：嚴欣你好靚呀==

我諗威志你真係傻Q左•••

之後lunch o個陣踢校長盃∼

個鄭奕祥好狗呀∼！！踢到我隻腳魚左•••

仲搞到阿Wa兩隻腳都見曬紅•••頂你呀∼！！鄭奕祥！！！

學生會會長！？收啦你！！今次會費我一定唔會交呀！當醫藥費呀！！

但係最尾我地都係輸３：４•••唉∼佢地班死矛西！

呢排日日同〝她〞ｃｈａｔ呀∼好鬼死開心呀我≧３≦

但係唔知點解我硬係覺得〝她〞係覺得我好煩禁•••

唉∼聽日都係唔好add〝她〞chat lu•••遲多日先add〝她〞我諗會好D•••

除非係〝她〞ａｄｄ我啦∼禁我就繼續同〝她〞chat lu∼

希望〝她〞聽日主動add我同我傾啦•••＞﹏＜