唉...今日好鬼死辛苦！

第一次練波，發覺係好辛苦架！

練左三個鐘，到左我既體能極限。

一開始練個陣，練左一個鐘到，

就有輕微抽筋既現象＝＝

之後o抖左陣繼續，

點知再練多一個鐘...

又抽過....勁無奈＝＝

肥軒條蛋散話我扮野...仲無奈＝＝

之後過左半個鐘，仲犀利！

兩隻腳一齊黎＝＝爽死...

練完個陣...一坐係到又抽過...

勁痛...之前個D都係抽筋既現象，

到我坐低個陣真係抽左....

跟住練完我地就各散東西，

我去７仔食野，

買左個牛肉出前一丁...

好正...D湯都差唔多比我飲晒...

哈哈哈...係到食味精。

之後又買多包蜜瓜豆奶...

就去搭輕鐵喇！

然後我就做左一樣好冇良知既野！

我飲完包蜜瓜豆奶ＤＵＭ左係部輕鐵到！

返到屋企好累，

就咁扒左係張床到訓著左。

醒左之後諗住去打機，

點知我阿哥條粉皮話我琴日都玩夠啦！仲玩！

佢係咁講既：「你冇野呀？琴日仲玩唔夠牙？同我彈開啦！我去左成日海洋公園，你都

玩得開心啦！仲叫我比你玩？你睇下醫生好喎！」

真係當堂慶過火屎呀！

ＫＡＩ子咁喎！我琴日玩左成日佢今日又何嘗唔係呢？

你地記住留言個陣比下意見我阿哥？

我想統計一下幾多個話佢係粉皮！

我就係其中一個喇！