琴日番完大陸落番黎.

我發現每次番完大陸都肯定唔開心.

食飯既時候,又比人問成績(都唔知點解啲大陸人咁馨問喱啲)

呀媽答求學不是求分數.年年升班就得啦..佢平時又練波又義工既.

然後就比人追住話,咁細個就梗係讀書架啦,學乜鬼人打波,義工喱啲門面野黎,有乜野用呀.讀書就最重要.之後又前後矛盾又話不過澳門唔讀書都大把野做.

學呀媽咁講拎住本書死讀爛讀又有咩用,真心想講乜真係唔可以有自己想做既野咩,咩叫德智體群美?

就算真係比我拎個第一你覺得我又會開心咩?喱班親戚都知咩人黎,又批評我呀媽點教仔女點照顧老公.乜你地自己又覺得自己好好咩?最基本借人錢都唔還應咩話人地?當初同你老公結婚個時如果你真係教導有方你老公會出去食女自己又要吊頸死?已家對自己老公發曬姣係真係自己教導有方定係又驚自己老公出去食女呀?

點解個個都死追住我地屋企講,得罪你咩?

一家唔知一家事,每個屋企都總有開心唔開心,每對夫妻都有自己既相處方式,教自己仔女既一套,點解又要插手人地既家事,你有冇病?

自問我自己一路都冇學壞,見到人又問好,有努力讀書,刻苦耐勞,打波,做義工係一個非常之正面既活動,幾多父母都唔知幾想自己啲仔女唔學壞又可以參與一啲健康身心既活動.對喱方面你又識幾多?我自己做緊咩我自己好清楚.點解要講到我好似好bad girl咁?打波做義工阻住我讀書就考唔到大學?小姐先生,乜你咁now既,你唔知如果拎學界冠軍考澳大會加分既咩?已家讀大學都要做社會服務架傻仔.

你個仔又幾勁既,做牙醫喎,咁你個女喱?咪又係讀科大,咪又係做賭場,你地屋企眼中靜係得個錢字,屋企加埋都7,8萬一個月啦,咁又點?咪又係縮骨,古寒到死.我雖然屋企窮,一個人搵四個人食,但係我地窮得開心,對食落肚既絕對唔會古寒.邊似得你.

話人之前可唔可以睇下自己幾多斤兩先?你地係長輩我先唔夠膽出聲,人在做,天在看,做人對得住天地良心,收下把口當幫自己積福啦好痳?