10JULY24
丹丹生日快樂<3
今日上左兩堂之後就唔洗上.小息落去買書
多人到死.又趕喎.搞到我遲左成堂先上去.
之後班務堂.好多功課啊~多到死
數學35分~罰做32題數.真係慘;p
不過成班得8個合格咋;xd 搞掂曬D野就放學.
跟住同啊茶.KEITH食埋M記返屋企;
下就冇出街.留係屋企睇返情越雙白線.
好鬼好睇.係好睇到笑;p

妳知唔知點解我同佢個心入面有個位空缺左?
因為呢個位淨係為妳而留.留返比妳一個.
妳係我同佢個心入面哥個位置都冇變過
我同佢對妳既感覺都係一樣.或者佢比我深
我地好掛住妳.好掛住之前哥個妳.
知唔知點解妳改左名我都冇改口仲叫住妳之前哥個名?
因為我真係覺得之前哥個妳仲係度.妳冇離開我地
只不過依家妳有妳既生活.妳有妳既開心.有妳既快樂
大家既生活模式都唔同左.但係妳仲係生活係我個世界入面
我諗返起妳之前做既野.我係好開心.我冇唔開心
我同佢都好想問候妳.想知道妳依家既野
但係打比妳又驚冇野講.想約妳又驚妳冇時間.出到泥又冇野講
點解朋友都要擔心咁多既?我地真係疏左好多.
諗返之前既妳.妳唔係咁既喎.妳好好.妳好識關心人.
我見到依家既妳.好幸福好開心.我覺得自己好似冇左一個好朋友咁.
因為妳係我個世界消失左.妳個世界仲會唔有我?我唔知.
我同佢既感受都一樣.我地都以為身邊冇人明白自己.
但係唔係.因為我地大家既感覺都一樣.我地記掛既都係同一個人
係我地諗太多定係妳真係忘記左我地?我只係想留住妳係我地身邊
我想妳返泥.留係我地身邊.冇理由.真係一個理由都冇.
次次見到妳D野.我個心就那住那住.我好想變返以前咁.
我冇怪過妳唔理我.莫講話憎妳.我一D嬲妳都冇.我好想同妳做好朋友.
一個成日係我身邊既朋友.唔洗成日見.只要係會記掛我既.已經足夠
我地會留返個位比妳.我地會等.呢個位冇人可以搶走.冇人可以坐落去
呢篇BG我係講緊愛講緊情.當然.係朋友既愛.朋友既情;s

有個人教識我好朋友.無論係邊.都永遠唔會有距離.

如果等到的只得幽怨也是我心願.如果可將光陰都扭轉我未怕酸!