因為今日啊嫲知道我要補習

所以8點幾就俾啊嫲嘈醒咗

挨咗2粒鐘的眼訓,完咗啦

唔夠15分鐘,姑媽黎咗

姑媽叫我地去飲茶

飲完茶之後去咗慈雲山打波

打到4點幾黃澤郎話聽日去沙灘好唔好

子a話冇泳褲,我同肥鮑陪佢去去鑽石山買

肥鮑順手買埋拖鞋

今日同徐+,陳景,左文兄佢地去斧山道泳池游水

勁好玩,佢地企係個浮心到係到推

玩完之後上去滑梯到玩,猜嬴咗就可以

踢輸咗個3個落水,陳景狂嬴勁神

係咁踢我地落水

玩到5點幾

我地4到清場先至走

返到屋企沖完涼都係覺得成身漂白水味

今日又去咗慈雲山打波,

但係原本想搭19M

但係搭咗19A雖然同一樣去慈雲山

但係去遠D

打咗陣波之後,勁熱

除咗件衫打咗陣,小妹妹黎咗

佢黎之前我同子A即刻著番衫

佢黎咗,我地打咗成30分鐘

D水飲晒,我地開始肚睋

我地落咗去SEVEN買野

我買咗2枝JELLY SANDY飲

飲完飽晒,之後我地去咗

琴日間餐廳食野

但係得陳景佢地\食野

佢地食完野之後,陳景

話想買銀包

陳景問小妹妹有咩好介紹

佢話九龍城有靚的

我地搭車去九龍城

陳景買咗個銀包

我地係咁冇目的咁行

狂咁係廣場行

行咗陣,陳景話去M記買杯雪糕食

小妹妹聽到去M記買雪糕對眼突然好似發光咁

今日朝早勁悶

晏晝,子a叫我去打波

去到九龍城,陳景話想買鞋

但係最後都係冇買到

行咗陣,跟住行去搭車去鑽石山

行去搭車嗰陣,去惠康買野飲

買完野飲之後,見到一個潮童

我地係到講,子a係到飲緊野

忍唔住d蘋果汁係個鼻流番出黎

到咗鑽石山行咗陣,陳景話肚睋,見到有間m記

想入去食,但係勁多人.位都冇個

我地去打波,去慈雲山搵肥鮑

佢樓下有間餐廳,我地入去食

我同陳景話食牛肚河,子a想食牛腩麪

但係子a講咗2個牛肚麪,1個牛腩河

我好彩對番個侍應講番2個牛肚河,1個牛腩麪

跟住肥鮑黎咗,我地食完野之後,去咗打波

打咗陣,黃澤郎黎咗

佢話想鬥波,一開始我同肥鮑一組

我係籃底,唔俾人射波,黃澤郎

想射波但係俾我撞到行咗步,射唔到

5點幾,唔想打啦,訓咗係地下傾咗一陣計

我地又去咗公園傾咗陣,6點到,我地先至番屋企