今日10點半約佐阿徐同阿發去沙田富豪唱K…
我地都好high…尤其係阿發…哈哈
時間過得好快…唱到1點15分到就唱完~
之後去佐碌ling…阿春未到…我地就碌住2局熱下身先…
阿春來到…佢一個人打一局熱下身~
then就4個一齊打啦…
我打得都ok啦…都有試過全中
不過同阿發比…個分差好遠= =
之後佢地話篤波…一開始我只係係旁邊睇…
因為我真係唔識…. 我以前打都無打過(只係玩過yahoo既^^)
佢地打佐一陣…叫我一齊打…阿徐同阿春一team…
我就同阿發一team…因為佢篤波又係好勁…so就拍住我呢個咩都唔識既~
其實都幾好玩既…不過好難描準囉….誤差好大
我地打佐2個幾鐘…就走啦…..
係同一個商場玩佐咁多野…. 沙田富豪真係一個唔錯既選擇
然後我地4個去佐旺角….去佐朗豪坊~
影貼紙相…影佐2次…2次都激死人啦
第一次影就影得好鬼趕…pose都未擺好就影啦= =
都算啦…最後畫好哂…部機叫我地選幾張…
我地就選最好既幾張啦…點知…選佐既就唔出…
無選到既就出哂 最靚個張得1張…比佐阿徐(話哂係佢畫架嘛!!)
then我地決定影多部….今次大家都影得幾好呀~
影完到畫野…畫到一半…突然個畫面黑哂…
原來係有個細路拔佐我地部機既插蘇
最尾搞佐好耐先開番機…又要由頭畫過
連埋剪相同過膠…我地用佐個幾鐘去影貼紙相~
跟住我地陪阿發去買帽…佢選佐好耐都選唔定~
好彩最尾都買佐一頂都幾靚既…
之後…佢地陪我去佐田園買書….
唉…呢間都無我想買個2本…話係個出版社斷貨…唔知幾時會出番
最尾買佐2本書…好想快d睇~
然後我地就趕去[香港仔魚蛋咩]食dinner…我地超累 + 超餓!!!!
食完差唔多都10點啦…搭火車…一路搭一路傾一路笑~~~~
p.s. 下次同一招唔好再玩咁多次啦
差唔多11點先返到Fanling….個陣先知原來已經8號風球啦…
今日玩得好開心…不過就好鬼累…下次再一齊玩~
聽日仲要返學校練English Oral…唉…好煩!!!!
p.s. 我都未見過咁風平浪靜既颱風架…靜得恐怖 | 
