今日假期最後一日,發左一個長夢,下午係到Scan相,
Scan左8筒之前既菲林相,哈哈~

下午打開天窗說亮話,內心十分多鬥爭,相信還要多幾次才會無野,
對自己而然除左係好機會外,還是挑戰自己正面思想的過程,
挑戰我所學到的和諧,不是單單挑戰還是新思維,可能只是不同的思維...

悶了在家太久,旁晚行去新港城一轉...
回家時諗好今日一整日總結的故事:

<巴別塔後傳~~~巴別塔2號>
話說神分散人類用不同語言去不同地方居住後.......
有班居住在同一條村用同一語言的一小群人,
佢地仲係到諗住點起一座可以通往神之地既塔,
村內的一對夫妻負責設計呢座巴別塔2號既設計圖,
佢地將張設計圖放係枱面,佢地好好對坐相議,
最後設計圖完成,佢地搵左其他村民一齊去起,
早晚開工,日夜趕建....
結果一個月後,巴別塔2號工地仍然係平地一片,
工程師夫妻以為仲準備材料中,不以為然,
但又一個月後,夫妻前往工地,佢地見到的仍然是一片平地,
佢地就分別問早更同晚更建塔既工友村民所謂何事,
早更工友說:"我地無偷懶的,我地由第一日開始就打好地基,
但係唔知點解第二日早上個地基總係唔平,要重新打過"
晚更工友就說:"我地依住設計圖要鑽地建塔,但係好奇怪,每晚鑽好個地,
第二晚回來工作,工地又變回平坦,我地無偷懶架,每日都盡力建塔架!"

........就算同一語言,我地都無可能清楚知道每一個人收到的訊息都係一樣,
就好似工程師夫妻一樣,佢地都係做緊一座通往神之地的塔,
但可惜一個是向高空發展,一個是向地心發展,就算佢地語言相同,
但係因為佢地既位置,角度甚至係價值觀唔同,接收到既訊息,意會到的事物都變得唔同,
巴別塔2號,就是這麼的一個象徵


不錯的佈置
Picture link

Season Lee, 佢個partner 個結他好靚呢~~
Picture link

唐風建築,唔係日式建築
Picture link

經過睇下黃金塔,但無刻意影好多相
Picture link