我又要打日記啦∼打咩好呢？嗯……
開學都開左幾個星期啦∼係學校既生活同上年差好遠既∼
上年男多女極少所以好尷尬；今女仔有成十幾個！就好似返去中學理科班咁∼
上年好多既活動我都推既，係因為男仔太多啦……我會覺得尷尬害羞嫁！
今年識左唔少既朋友∼班上面都有唔少既女仔……我之前講既願望實現左啦！好快樂∼
朋友入面有兩個好搞笑既人，哈哈∼帶比我唔少既歡樂∼
朋友入面有好關心我既人，我覺得好溫暖∼好安心∼
我一定要好好咁珍惜佢地！
二十二號晚同班中學朋友一齊去過中秋，呵呵！今次唔叫男仔啦∼
咁聽日就去同ive班朋友去行街街！唔係班會活動 xD
順便去睇下有冇又平又勁既畫班學∼JASON都去學∼
我覺得……佢好似好唔喜歡同我玩咁∼係未我太過主動嚇到佢呢？！
哈
今日就畫左畫啦∼係功課黎既∼遲少少再放上黎∼
