已經搬返屋企，咩都未拾，成房紙箱∼
因為冇時間拾，太多野做．寫個GAME花左我好多時間．
希望可以來得及……
講真果句，由早到晚都係我坐係電腦面前寫程式
不停咁思考，冇曬活動，動畫冇得睇，水冇得游，
屋冇得拾，冇得睇高清，冇得整令間房，冇得畫窗…好辛苦！
組入面有有一個完全不懂VB的人；有一個愈做愈衰，無能的人∼
邊個話唔會要我做曬？邊個話會分擔？信曬都死啦．
最嬲的是承諾到給我的，最後都冇比到我．
係未只有我過份緊張？東西星期二要交，就連PPT都未做，
最重要既係連個DB都未做！
寫GAME可以話喜歡又唔喜歡，我講曬．
下年唔會入專寫程式既課程，都係讀返多媒體設計．
下年的同學應該會好點吧？
除左寫這之外我重有好多野要做嫁，冇得黎咁多時間？
連會議紀錄都未寫囉！拖左勁耐……義工又係咁拖……
我果組的人除左子軒都唔做野，點解個天咁唔公平？
點解佢地可以咁快樂，咁悠閒？太現實啦，我接受唔到囉．
今早去左尖沙咀，華X戲院睇歲月神偷，我係義工唔洗錢，
我要睇住班孩子∼睇到我喊左好多水，我個FD問我有冇事0.0
我係藍色真我型，好感性∼成日睇感動野，慘野都會喊．
歲月神偷個細路仔勁搞野XD 好睇唷∼囉獎既果然係好野
係下午因為要返家寫GAME所以早走，
我個FD唔放心我，陪我一起走∼佢同我一樣住同一條村∼
放學同佢傾左好多野∼熟左．同佢識左半年？！
另外，入面有個孩子問我囉電話∼記得我就會打招呼
我心不老！同孩子係最好傾∼佢地都好喜歡我唷∼
希望岑昆蟲都可以感受到！XD
琴日同婆婆飲茶，扮乖女．=] 做得非常好∼
佢走左同媽咪行左陣街，準備去買畫∼
不過果到冇得買就買材料自己畫，畫假窗．
我同媽咪感情好左，自母親節我做左某Ｄ好感人既事……
第一次對媽媽咁做也∼媽咪同我好多事都互相幫助，
我唸自己可以一直做到孝女．我弟是冷血的吧？沒有孝心．
以前我會打細佬，又會罵佢，總之我係大曬，所以感情唔係太好，
不過最近我細佬主動對我好左，會主動幫我．
我同爸爸既感情係小六之後好左，
因為小六之前是壞女孩，好反判，一有唔合意之事就BEN門，
或者大罵不好既句子，或者推他，令他倒……
小六後即係讀中學，爸爸是處理我學業上既野，
多左教我做任何野，溝通多左，熟左，感情深左∼
總之總之∼我好愛我家人！一個都不能少！
上次考試去學校的路上見到街邊的單車，令我唸返起……
以前返學放學都係坐某人單車返家返學校……
唔會覺得嬲，唔會覺得唔開心，就係覺得開心．
某人比我快樂既回憶係唔會忘記∼
唔開心或嬲既事唸起都已冇曬感覺∼時間解決好多既往事呢∼
