我覺得自己好幸運，因為可以出生係一個好家庭，入面有一個好父親和好母親……
我同佢地相處得好融合，關係係搞得超好……
要維持住呢個咁既家庭，入面除左父母要好之外，做女兒既我唔好唔得嫁！
我覺得自己對父母已經唔錯……雖然 ( 有時候 ? ) 會好懶惰？
好女兒除左要係態度方面做得好之外，有時候都應該比父母一個驚喜！
唔一定係用金錢黎換既物質，可以係親手整既野，可以係考試默書囉滿分，可以係幫手做家務，
可以試下搞活動拉埋佢地一齊去，講D平時唔會講既好說話XD哈 ( 係咩…唔想講 )……大把野可以做到！
－－－－－－－－－－－－－－－－－－－－－－－－－－－－－－－－－－－－－－－－－－
我愛我爸爸∼我爸爸又很愛我∼
偶爾坐係椅子上面，爸爸會主動來按摩我的肩膀……
令我覺得好鬆馳又好安心！
我爸爸係個讀書叻，又醒目聰明，又理智，又見多識廣既人．
每當我有感情方面或者讀書方面既困難既時候，
爸爸都可以提出有建設同理性既提議比我解決問題！
記得以前同爸爸有好多既爭執，關係並沒有現在那麼好的……
（係我單方面對爸爸唔好）
例如：年紀小應唔應該拍拖？以前既答案係冇問題，
可以同佢一生一世；現在既答案係冇可能．
哈哈，我會好反對我細佬年紀小小就去拍拖 XD
如果真係要講爸爸對由出世到而家既我好既例子，
真係要每日都講幾個先講得完∼因為真係多都數不盡！
( 畫左圖既時候我冇咩心機 - 3 - 冇用線畫既真係隨手！)
－－－－－－－－－－－－－－－－－－－－－－－－－－－－－－－－－－－－－－－－－－
講起安心呢∼之前出去做野……要面對好多人講野，到我講野之前會覺得好緊張，有好大既壓力咁．
咁就有個人係我後面用雙手拍我肩膀，然後同我講 "加油！你係得既，比d信心自己！" ，
然後我果陣真係鬆左口氣，覺得安心又冇咩壓力！最後真係可以大聲咁講出自己既唸法∼
如果大家身邊有朋友緊張既時候，不防試下拍肩膀呢招，真係有效！XD
－－－－－－－－－－－－－－－－－－－－－－－－－－－－－－－－－－－－－－－－－－
我愛我媽咪∼我媽咪很愛我∼
媽咪好關心我既任何事，並不會忘記我說過既話，對我既關心冇人比得上！比人關心既感覺好溫暖∼
我媽咪係個好八掛我任何事既人∼佢唔會點樣反對我作出既選擇，比好多既自由我．
假如我要拍拖，她第一個不反對，反而想知道更多關於我對象係點樣既人同埋點解我喜歡佢∼
如果我想出街玩，她第一個不反對，因為我中一之前好少出街，所以覺得出街對我黎講都算係好事．
晚回家都不會有問題，當然咁唔代表媽咪唔擔心我啦，因為佢會打電話黎關心我係出面有冇事．
正因為比咁多自由我，所以我唔怕比關心我既人知道我更多既事∼
唔會說謊！唔會隱瞞！我係咩都要講比媽媽知道！可能你已經比我媽咪識左啦！
哈哈，我媽咪又係個好識計數既人，凡事都跟跟計較∼
例如我唔記得洗碗要罰錢，唔記關燈要罰錢，唔記得洗衣服要罰錢……佢會特別有記性記住我欠她多少錢．
雖然罰我錢係唔岩，但係都培養到我記住做家務既習慣，哈哈！
一陣我又要洗碗啦！一三五都係我洗既∼
－－－－－－－－－－－－－－－－－－－－－－－－－－－－－－－－－－－－－－－－－－
- V - 今日放學左去食LUNCH同埋唱K，剩反十二個人去．每人七十七蚊．
今日心情唔多好，那裡那裡超痛苦的說！很久沒試過生心都那麼那麼痛苦！
心情唔多好既原因之一：目中無人既性格出現左……不太想理其他人，只想自己一個人靜一靜．
心情唔多好既原因之二：過度怕醜咁對侍某某．
心情唔多好既原因之三：本月一至十五號半個月係超出總支出．
心情唔多好既原因之四：三點先有午飯食．
心情唔多好既原因之五：唔知道自己一廂情願到幾時．
心情唔多好既原因之六：就算會議紀錄不想繼續寫下去都唔得，比人吹緊．
心情唔多好既原因之七：發現自己係寫程式方面既弱點．
心情唔多好既原因之八：每月一次．
心情唔多好既原因之九：生左大大粒豆豆！
心情唔多好既原因之十：就快考英文會話．
心情唔多好既原因之十一：上堂食野，對老師唔住．
心情唔多好既原因之十二：笑Ben sir今天早上煮左個麥皮，唔記得食就出左門口．
心情唔多好既原因之十三：愈來愈正經，唔係好識講大話同埋笑話．
心情唔多好既原因之十四：今日嘉儀唔去唱k
心情唔多好既原因之十五：今早落左一陣雨唔落，出門帶傘冇用．
心情唔多好既原因之十六：身材愈來愈唔好，我有計既，真係收縮緊，囧……
心情唔多好既原因之十七：未找到工作，冇第一份人工都唔可以配隱形眼鏡．
心情唔多好既原因之十八：唔係咁識用說話表達自己，好難溝通．
