係我開始呢篇blog之前,我發誓我跟住所講ge野全部都係真,信不信就由你地決定

其實,朋友,係一生一世ge約定,呢一世係唔會變,

而朋友之間,就要靠住"信任"呢樣野黎維持,

如果大家互相之間失去左呢樣野,咁做朋友黎做咩姐,

冇錯,每個人都想自己ge朋友可以真誠坦白咁對自己,

但係有冇諗過,或者佢真係有苦衷,或者,有時善意ge謊言,反而令大家好落台d,

友誼,係一段好脆弱ge闢係,如果唔好好咁珍惜,損失ge將會係你自己,

仲有,不斷咁猜疑朋友,咁就只會令到大家越黎越唔信大家,咁樣,真係好咩?

我明白,防人之心不可無,但係,朋友本黎就係要攞個心出黎,一齊分享,一齊承擔,

而唔係一味將所有ge錯都賴落朋友到,講真,你地咁樣做有冇諗過朋友ge感受,

每個人都有唔止1個朋友,往往都要係朋友之間作出抉擇,但當某個朋友唔揀你個陣,

你當然可以嬲佢,但係有冇諗過佢要作出抉擇或者係幾咁痛苦,幾咁艱難,

淨係一味識得遷怒係佢度,咁又有咩用?

有陣時,當朋友出事個陣,你可能仲唔知咩事,又或者以為佢係講緊大話,

結果搞到大家ge闢係越黎越僵,值得咩?

你地又有冇嘗試一齊去越過晒d困難,努力去挽回呢段得黎不易ge友誼呢?

知唔知人由相遇::::>相識::::>相交::::>最後成為朋友,係一件好難得ge事,

亦都係好難得ge緣份,所以一定一定要好好咁珍惜同把握,

如果一段闢係破裂左,去修補係要大家一齊去努力先至會成功,

只不過時間係會沖淡彼此之間ge誤會同不和,

而且一段真摯ge友誼都要經得起時間ge考驗,

所以我一黎希望某d人同某d人可以重建佢地ge友誼,

二黎亦都希望係佢地身邊ge人,都可以幫手重建佢地之間ge友誼,而唔係再係度挑撥離間,

我會一直為你地代禱架!