我番黎啦~岩岩就去左教會ge---"門徒領袖訓練營",好開心呀~
係呢個camp入面,我都識左好多第2D組ge弟兄[PS. 真的只有弟兄],
話說我係呢3日2夜入面做左D咩呢?~等我逐一同各位匯報下啦!~
第1天...入camp啦~
入左camp之後,有1段好短ge時間唱詩+祈禱之後,梗係去下間房啦~
謝姑娘+子祈+我=1間房=白如雪樓209號,
晏晝就去左海邊,玩到條褲都濕晒,
d男仔就好啦~佢地可以落去游水,
夜晚就有1個"Follow Me"ge活動[有d似上次個camp ge夜行咁..],
每個人要帶住2個眼罩[當然係except導師+領袖啦~],乜都睇唔到...
結果行左1段唔長唔短ge路之後,就叫我坐係地下...
雖然仲係睇唔到,不過我聽到有海聲,好舒服,仲feel到有少少雨,
個陣時,我諗緊:"究竟仲要等幾耐先有人黎?如果落大雨,咁我可唔可以開眼罩?"(-,-")
之後Jeffrey叫我去佢度,不過最搞笑ge係...
某1組員[唔講啦..]話佢係唔知前面帶路ge係邊個,佢以為係毛巾包住1枝鐵,
所以佢揸得好實,但係,果個係......Jeffrey個膊頭(=,="),
仲有呀~佢話初初聽到有人叫佢,但之後又覺得係盒錄音帶不停咁replay,
佢話係因為聽到d頻率係一樣,但係,個把係......Jeffrey把聲...(-,-"")
第2天...下山記
朝頭早,活動係..."查經"...
查經可能對於某d人黎講,可能好悶,但係我就覺得係查經入面,
可以學到好多野:1)神的話語+2)如何效法耶穌+3)查經技巧+4)etc.
lunch過後,係呀~又係查經時間...
去到15:30要落山進行"WWJD"ge活動[PS.W=What,W=Will,J=Jesus,D=Do],
簡單d可以咁講...
祈禱>>到訪宣道會長洲堂(訪問偉邦傳道)>>搵老人院(東明老人院)>>買禮物俾老人家v
買12把大葵扇(有折呀~)>>買識左老闆娘(張小姐)>>查經>>食雞尾包>>去老人院>>完成任務!~
跟住靜和導師+Helen+Winnie入左黎探我地,仲同我地一齊去食野呀~
我仲記得間餐廳叫做"得得店",
夜晚就有1個分享晚會...完左之後,就要送Helen佢地落山搭船,
於是我地一行~20人一齊落山,場面幾誇下架...之後SK話請食雪糕,
但係我喉嚨有D唔舒服,SO冇食到...>.<
第3天...再見了...
今日09:30就出camp lu...
之前段時間都有互相禱告ge時候,
我都希望升F.7 ge Jeffrey+彭匡麟+Daniel+顯江=考好A-Level~加油!
之後我地上左船,成班人企晒係度(係全程!~),
因為我地成班人玩"SUPER牌",仲有d人用奇異ge目光望住我地...(-,-)
不過呢d都唔緊要,最緊要ge係我地都玩得好開心^^
經過今次ge camp,我真係有好多好多ge得著,(太多了,唔講啦~)
希望下1年,我都可以有機會join呢個ge"領袖訓練營"啦~!
