組織文學部電影欣賞會

終於俾到個杯副..要用它來發洩喔~

一直擔心期望越來失望越大..但今次告白無.

仲以為係要估邊個係兇手,,點知一開始已經講哂.要睇既唔係佢地點殺死個女仔,,而係點解要咁做.呢樣野比起曲折離奇&精心佈局更好睇.

可能係因為出場次數問題,,搞到我覺得主角係個2個兇手而唔係隆子.但負責佈局既隆子卻精彩,,唔係人人做到.

如果同一樣野放返係現實,,放愛滋血個部份應該唔會成功.香港學生聽到可能會爆粗,,然後立即報警同跑去醫院.

每人的告白都好睇..不過亦好好笑XD特別係兇手B.發臭是他的存在証明..唔想因為未錫過(如果繼續返學,,佢都會有機會錫美月)同未做過愛就要死.但又唔睇醫生..點搞嫁!?但人就係咁嫁啦..如果唔係咁劇情都唔會發展到咁嚴重.

加上去到便利店搞到人啲野全部都係血,,結果只係叫媽媽黎而唔報警..笑左.

兇手A同美月個部份幾好睇..特別係被迫錫個到.然後兇手A錫埋星野架兩令我笑左.

最後時間倒流個幕,,終於令我哭了.

殺人既背後原因通常都好簡單.

成套野充滿諷刺..要殺人既永遠係計劃中殺唔成,,唔想殺人既就係咁殺人.崇拜搶自己風頭既露希娜(大概)既人係世上唯一明白自己既人,,但最後親手殺死左佢..仲要係攞返個優異獎杯,,佢個心真係得呀媽.

有個好似維特咁既老師都唔知點算.雖然上堂好活,,仲話要守護自己個班學生..但通常呢種老師都係比較蠢而且學生比佢知道得更多,,學生們反而為佢而擔心.

森口老師都有夠正..話明唔會做大家既大佬.呢種老師會令人不期然講好多唔係師生之間應該講既野.

電影拍攝效果/手法好睇.用慢鏡+高清既鏡頭好有BBC LIFE既感覺.

其中一首配樂,,幻想廢人都有用..好好聽.

究竟演兇手A&B同美月既演員會否一炮而紅!?

班學生好似病房..但將大部時間都攞去欺凌,,唔攰嫁咩!?

其實一睇班學生..成日都好似見到HEY SAY既知念同中島.仲有兇手A令我諗起山田..好彩唔係搵佢演,,如果唔係一定投入唔到.

最後希望森口個句:玩吓咋!係真嫁啦..佢個喊樣好似係因為聽老公話原諒佢地而喊咁.