1月新番只係睇..男子高中生之日常、網王、another

男之日常係唯一令我個個禮拜返屋企追...因為夠哂輕鬆好笑,,唔洗用腦有夠舒服

但令我截圖既唔係男子高中生..係女子高中生

女子高中生果然係怪胎!

眼鏡女高中生:近日諗緊點解男高中生會存在,,剛好隔離住左個男高中生..可以問下佢

然後佢打開門大叫人地...出黎既居然係唐澤!!!

女高中生們問唐澤:點解你仲未死!?

仲話人地唔岩呢套動畫,,又跳又打咁...好似癲左咁.可以想像到男孩子眼中既女仔係如何瘋癲.

最後唐澤出絕拓

佢扔左幾盒零食過黎...女高中生立即收聲,,仲跑去食零食

女高中生c:你估你地係動物園啲馬騮呀!?

講真..如果我係咁嘈..然後扔朱古力草姑、朱古力太空船、明治朱古力之類俾我..我真係會收皮

女子高中生果然係怪胎!雖然我已經唔係(淚)

最後仲得出唐澤係好男人呀..佢知道如何令女人收聲

而且好同意忠邦妹妹..如果要係佢地咁多個男仔之中搵個做男友...都係會要唐澤

其次就係吉竹...佢係唯一一個唔偷妹妹啲內衣褲XD

秀則有夠無聊...拉左吉竹黎做一電台show...仲有讀者寄明信片黎XDDD

認真地做無聊事就是人生!(銀魂廣告歌)