今日我已經好滿足架喇!~因為可以做到咁多野
原來俾心機做的話，我真係有可能做到架!~
其實岑sir都唔係我想像中咁衰，起碼佢今日再冇用戈種眼神望我
所有野都唔係自己想像中咁恐怖...     凡事都有兩面既....
星期五就要sba..  真係好擔心，真係要好好準備先得..
不過過埋戈日之後，就可以去打羽衣球輕鬆下，都唔錯
書展d書都唔係咁多姐....   唔知你今日又係度睇咩書呢?
今日可以見到你咁多次，我真係好開心
金賢重愛死你喇!~

琴日係情人節bo..  大家過得點呀?  我就平平無奇....
今日係厲鬼既birthday..  所以"Happy Birthday" 呀!
冇乜野做，所以係ppstream睇 Harry Potter...  無聊吧!~
講番星期五...
完左musical 諗住可以訓耐d喇!  點知老豆又聽歌聽到鬼死咁大聲
之後逼於無奈要起身...   約埋紫菜就去踩單車
我真係俾個單車老闆激死...   我發誓我唔會去戈度租車anymore
之後一路踩一路傾野，好多都係關於自己既心事
不過如果下次可以同更多人一齊去，我諗我會更開心.....
有人joy嗎?

今日遲左起身呀!!  唔知做乜呢?好耐都未試過咁架喇!
差d就要搭的士，點知一去到就有車，所以我相信今日係幸運既一日
果然，今日可以俾我咁順利....
BIO 唔記得帶 past paper,  以為會罰，點知佢又冇講到 
SBA 唔洗講住，我真係開心到暈
不過我d黑運都好似傳左俾身邊人...
邱就倒瀉水落chem書...  danny就打爛test tube...
I'm sorry
午膳同放學都可以見到你，我好開心，好多謝你!
我諗我都係唔可以放低你架喇!~ 咁就為有等到你要離開既戈日

突然間覺得好苦惱...   我明明就同阿sir講左話唔補習，但見到佢覆我個sms..  我覺得慚愧
我都係決定下個月先補架喇!!~   況且我今個月真係好唔想咁遲先番屋企
冇乜特別野發生，只係係學校留到四點幾
我發覺原來自己就係miz wong講戈隻... 會獨佔朋友既人，咁樣好自私
我真係有需要改變一下自己... 就當係新年既願望喇!
1.改變對待人態度
2.改下懶到死既性格

我在逃避嗎?  重可以走多幾多次? "
我自己已經好努力架喇!~ 但總係得唔到自己想要有既野...
我要求並唔係高，但點解?   唔通呢一個就係我逃避既原因
我唔去補習...唔溫書...唔做功課...唔上堂，全部都係因為我要逃避，我接受唔到失敗俾我既失落感
我真係好冇用，個個都係度為自己既將來而努力，我呢? 朋友?我冇幾多個...  學業? 我可以話係冇
我逃避呢樣逃避戈樣...  今日重要逃避埋佢...   我重有幾多野要逃避???  幾時先可以到老..到死???
我好想去面對，但我冇勇氣，有邊個可以俾到我...
一向脾氣臭既我好識得去掩飾自己，大家平時見到既並唔係真正既我...
戈一個我早就已經唔知去左邊度.. ..    有冇人可以幫我搵佢番黎??
如果搵到既，唔該通知我一聲，我會去接佢番黎....  /_____\