我而家要大嗌一句:

我而家好灰啊!!!好SAD a!!!!

今日朝早去完body check 之後~

就同左成班初團職員返學校傾宣傳~

由2點傾到去6點~

大家都諗到頭都爆埋~

就係我地差唔多KO晒d難題既時候~

突然有人醒起~

聽朝係reading period~冇宣傳.....

全場突然靜左~o左~跟住大嗌.......

好唔開心啊~點解會咁嫁???

我真係好嬲自己~

點解唔早d醒起~點解咁緊要既野我都會唔記得~

跟住又覺得好唔甘心~

呢兩日~我地成班人明明係可以好開心~咩都唔理咁去玩~去hea~

但係我地成班人選擇左係學校為大家準備~事奉神~

但係~換黎既係........

其實大家睇我地宣傳既時候~會覺得好平凡~好普通~

但係我地每次都為左宣傳而諗左好好好好好耐~

好似今次咁~就用左6個鐘多d la~

我真係好想比大家知道我地呢班職員既努力~

可惜好多人都唔會睇到~睇到都唔會覺得係咩一回事~

但係我真係好唔甘心~

如果呢兩日可以休息下就好la~

由9月1日~到而家10月26日~

我地真係冇停過~係真係冇停過......

我真係驚自己會支持唔到落去啦~

可唔可以攞返個假期a???????可唔可以a?????......................

p.s.大家聽日記得返初團a!!!!!如果頭先篇野令你有感動~希望你可以返到黎我地既當中~

比我地咁多位職員一個小小既支持~你地既出席係我地支持既來源!!!!!!!!

p.s2~希望大家聽日收到卷既時候都唔會比個成績影響到~只要盡左力~就可以了!!!!!=]

係屋企人~朋友同埋神既支持下~

我終於都挨過左UT la~thank god!!!!!!!!!

諗返過去果幾日~溫書溫到想喊~手震~胃痛~頭暈...........而家真係可以稍為鬆一口氣了~

其實真係好擔心今次既成績~我唔想因為工作太忙而影響到學業~

我唔想比daddy 媽咪睇死~我唔想令老師失望.....................

但係~唔考都考左lu~以後既事以後先算啦=p

講返今日啦~真係由朝早直"踩"到而家啊~

考完試之後影班相~之後等左勁耐先到gp~

用左果d時間黎傾初團宣傳~好難諗啊...........

影完相之後~成班初團職員加simone加米缸(個名係咪咁寫嫁??)去左lunch~諗住一路食一路傾~

但係事實再一次証明~呢個方法係唔可行嫁~真係傾唔到野>.<

所以又返左學校傾啦~

回校途中發生左件勁爆笑既事~大家想知可以問返我同埋d當時人:p

hint: melody~hello kitty etc. XDDD

之後就排宣傳啦~老實講~我覺得真係晒左太多不必要既時間啦~

希望下次可以改善返>.<

之後就係hymn sing la~

其實有d 灰~今年hymn sing members 有成70個~

但係今日有黎既得廿幾三十個~

點解會咁嫁???佢地唔諗住出隊la???=[

練到6點幾~真係好好好好好攰!!!!!!!!!!!!!!!

之後差唔多7點就同朱朱去等daddy 車la~

等等下~sam sam同匡匡都準備走wor~

但係佢地好"gentlemen "咁等埋我daddy 黎先走~

係度多謝佢地a~肯係果度陪我:p

不過有點無奈既係~匡匡話佢要等既原因係因為想見下我daddy 媽咪.............

o左咀........

返到屋企~成身散晒~

希望今日可以有得休息啦~

雖然機會有點渺茫.....

今晚返到屋企~

食完飯之後~因為太支力~

昏睡左接近2個鐘~

其間~發左好多個惡夢.......醒返既時候都係滿頭大汗既.......

可能同呢排太多灰事有關~

其實淨係今日都有啦~

今日lunchtime forum......

唔好介意我咁講~

我真係對我地班某d同學好失望~

佢地唔係因為工作問題而唔黎~

係因為玩~係因為hea~

係因為要抄返個model answer~

我真係唔明~抄個answer~真係重要過你地既同學???呢班同學~係會對我地成年~相處成年嫁!!!!

d answer~放左學之後冇得抄咩???

如果冇時間抄~就唔可以花$0.5 去影印????

我真係唔明~點解你地對3B班咁冇歸屬感????

如果係我帶領得有問題~麻煩你地同我講聲~比意見我

我會盡力去改~但係你地可唔可以咩都唔做就咁自己顧自己呢????

今日eng堂既時候~ms ng 講返呢件事~

我一直忍一直忍~但係最後都係流左幾滴眼淚~

但係果陣我好醒目咁用左個file遮住~所以應該冇人見到:p

如果我地再係咁落去~3B班將會甚麼都不是了............

可能你地唔緊張~但係我深信~一定會有在乎既人~

(大家唔駛擔心~其實我打完篇野~發抴完~就唔會有事嫁la=])

p.s.1 各位仔仔女女~對唔住a~抽唔到時間去幫你地溫書~你地比心機a!!!姐姐支持你地=]

p.s.2各位病左既同學~你地要快d好返a!!!!健康既身體對UT太重要啦!!!!!=]

p.s.3大家UT要加油~為大家祈禱~may god bless u all>3<

"我靠着那加給我力量的~凡事都能作"