今日睇報紙，話周慧敏出年十月會開演唱會呀，係就好喇！另外雜誌話宜家赤鱲角起緊個 AsiaWorld-Arena，係一個亞洲國際博覽館，Mariah Carey 可能會嚟香港喺嗰度開 Concert 添呀，唔通我個夢想真係可以實現？！如果全部都係真嘅話，我會開心到傻架，仲有加埋蔡依琳添！

今晚阿德打電話俾我話佢十一月要考試呀，陪唔到我去睇林憶蓮喇，但係唔緊要啦，考試重要啲！同佢傾咗一陣，佢介紹咗部戲俾我聽，叫"原罪犯"，好似好吸引咁喎！

陳慧蘭喺留言度解答咗我尋日嘅疑問，真係好喇，唔該晒，0199 聽日返喇，問米婆同阿琳聽日調咗時間返喎，咁我坐邊度好呢？溫紹元個位又俾人坐咗，陳慧蘭個位又俾個老人家用咗，阿金屯個位又俾個老人家望住，阿卿個位又好多嘢，阿基個位？？？定係坐阿琳個位呢？？？

今日塊面又生咗好多暗瘡喎，點解呀，好恐怖呀！！！