上個星期三返工有咩事發生呢？已經唔記得發生過啲咩喇，日日都係咁過啦，放工去咗做尖，跟住就返屋企食飯喇！

星期四好開心，好鍾意呢種感覺！

星期五去咗睇草蜢演唱會，氣氛好好，個個都好 High，唱足三個幾鐘，冇乜悶場！如果唔係第二日要返工，真係唔會早走呀．．．啲歌都幾好聽喎，比想像中好睇！但係蔡一傑好姣！

星期六同星期日都好 Relax，瞓覺，食野，睇電視，上網，搵工，再瞓，好舒服，好亨受呢種感覺，咩都唔使諗，咩都唔使煩，哈哈！！！唔知你又係唔係咁覺得呢？

今日返工老細同溫紹元嘈放假啲嘢，其實溫紹元都冇錯嘅，但係如果我係佢，我會慳番啖氣啦，反正呢個局面，點講都係嘥氣！個勢根本就唔喺自己度！

0615 今日入咗急症室，但係 0082 冇叫我返早，但係佢今日下晝成日同我講聽日可能要返六點，講咗好多次，煩到我好忟，佢係咪痴架？！頂！最後聽日都唔使返六點！

呢幾日開始涼喇，朝早唔想起身，好憎冬天呀，唔想返工，其實我係咪太細路仔呢？！有時覺得自己實在太冇事業心喇，男人應該對自己嘅工作有大啲野心先啱架，好唔鐘意宜家嘅我，每日返工都提唔起勁，我宜家廿幾歲咋喎，我唔可以咁架，唔得架，好想有啲轉變，努力呀阿呆！

冬天就到喇，可以盡情咁食，啲厚衫可以遮到啲肥肉同個肚腩，好嘢！

呢排好似冇乜記性，如果問我上個星期發生過啲咩，我真係要諗好耐先諗得番，死喇∼！