好耐冇寫日記喇，今日得閒寫下先

 Mariah Carey 出左碟喇，呢次美國首週銷量好好呀，有成四十萬張，上左Billboard 200 No.1，好野，仲打破埋自己首週銷量紀錄。

睇左林一峰個舞台劇喇，幾好睇呀，一峰唱的歌真係好好聽，但有 d 悶場，又再期待一峰暑假的英文碟同拉闊。

由馬來西亞返黎之後就開始病，又咳又喉嚨痛，又傷風，又肚痾，連聲都變埋，仲睇左四次醫生，好在宜家托賴冇乜野咋，唉．．．

宜家返工好悶呀，點解個 office 好似好靜咁架，一唔係就係講埋 d 是是非非，有時都唔知應該信自己所見所聞定係人地講的說話好，仲有點解成日放工都唔記得拎鎖匙走架！

近排成日都聽住光良，梁靜茹同王力宏 d 歌，有童話，期限，妹妹，天堂，分手快樂，孤單北半球，一首簡單的歌，愛錯．．．

希望心情會隨著夏天來到而變得開心番 d，你都係呀．．．．．．