今日終於去做番 Gym，差唔多有成個月冇去過做 Gym 喇，今日去到 e-house Physical，好少人喎，好能同世貿會議有關啦，啲人可能驚附近啲交通有問題，所以唔去嗰度，同埋因為太耐冇去做 Gym，入面啲器械轉晒位，哈哈，仲有就係知道出年一月個月費會加到 $328，點算好呢？

今日上磅又重咗，一百五十磅，十個驚！Mandy 今晚 send 番啲舊相俾我，以前啲皮膚真係好好多架！唉！

尋日寫咗篇日記，睇咗湯米俾我的留言，你講啲嘢其實我都有諗過同埋諗得到，但係有時人總有情緒低落同鑽牛角尖的時候，我都會學識凡事睇開啲同試下係多方面去睇一件事！