今日放咗工由公司行返屋企，由半山行人電梯行上山，經過蘇豪，再由堅道一直行返去，天氣涼涼哋，好舒服，好多朋友同同事都問過我公司同屋企咁近，會唔會行路返工或者返屋企，每次我都會話痴線，但係今日我竟然咁做，唔通我真係痴咗？

返到屋企有人喺度，原來大佬今日放假，喺屋企溫書，因為佢今晚要考試，佢出咗去之後我就瞓覺，一路瞓到食飯，真係好攰呀，喺張皮入面真係好暖呀！

食完飯沖完涼搵咗陣工又十點半喇，聽日星期四喇，希望快啲到聖誕啦，又可以放假喇！

尋日朋友 Gloria 話佢終於都聯絡到之前失咗蹤那位朋友喇，但係就點都唔知點解佢會玩失蹤，同埋之後佢話會唔喺香港，我諗會有一排都見唔到佢，唔知佢仲會唔會再失蹤過呢？希望唔好啦！