由星期二晚去完燒嘢食開始作病，星期三返工死撐，到放工仲要死去買埋除夕 Party 啲禮物，星期四終於捱唔住頂唔順要早走返屋企瞓，個頭好重，但係個人又好似輕飄飄咁，啲鼻水又不停咁流，今日終於好番啲喇，死，唔記得食藥添！弊！漏咗包藥喺公司添！妖．．．．．．

今日湯米買早餐俾我食呀，仲送到我 Office 門口呀，^___^ 啲牛奶麥皮好甜！Lunch 個 Party 都幾混亂，哈哈，不過都係意料中事啦！

放工去 Art Centre 見工，嘩，in 咗十分鐘就出番黎喇，超快，又唔使填 Form，個 interviewer 只係問咗我點解想轉工，用咗英文介紹自己，佢講咗份工大概要做啲咩咁，跟住我問咗啲嘢，跟住就走得，哈，希望不大，但係聽佢講 5-days work，朝九晚五點半，十五日大假，好似好吸引咁，但係就冇雙糧同花紅！

Mariah 有第十七隻冠軍 Single 喇，好嘢！