今日係大年初三赤口，嘩！瞓到下晝點幾，終於比前兩日瞓番多啲喇，尋晚唔知點解肚痛，仲要痾咗三次，不過當係清腸胃啦！！！哈哈！今日下晝同湯米去咗大口環行咗一陣，都幾熱吓，又冇乜風，但係四周圍好靜，只有海浪聲，都幾舒服架．．．之後搭返車出嚟，走嘅時候又唔記得攞番個銀包同電話，搞到湯米又要喺巴士站跑上嚟攞番俾我，其實又使乜跑上嚟喎，傻瓜！

今日湯米個喉嚨好痛，但係叫佢去睇醫生又唔肯去，話新正頭唔去睇醫生，叫極都唔肯去，見佢咁樣我又做唔到啲咩令佢舒服啲，唉！！！