尋晚到今朝瞓咗十幾個鐘，但係都仲係唔想起身，好眼瞓，最後兩點幾起咗身，睇咗陣 CareerTimes，跟住就沖涼換衫出去做 Gym 喇，湯米話今日可以去 Timothy 度攞關淑怡演唱會啲飛，咁就同佢落咗去中央圖書館度搵嗰個人扲飛喇，坐第三行，仲後過湯米自己用信用咭去訂，見到湯米拎咗飛之後好似有啲失望咁，唔緊要啦，第三行都好前架喇，同 Timothy 訂唔使好似用信用咭咁要收手續費嘛！哈哈，講真我都有啲期待呢個演唱會！

之後去康怡做尖，好少人喎，差唔多到八點先走，去咗灣仔一間叫甜甜地嘅地方食飯，隔離枱個女仔側面好似梁詠琪架，但最後睇真啲當然唔係啦！啲嘢食 OK 吖，食完跟住就走喇！夜晚有啲頭痛！但係只係左邊頭痛，哈！

仲有三日就放假喇，我要好好咁珍惜呢個大假！