返工喇，放完一個悠長假期再返工，感覺上怪怪的，唔係太習慣，再加上今日自己唔係太舒服，搞到個人好攰，放工都係要去睇醫生，食咗藥已經好好多喇！

尋日睇咗阿 Joe 個日記，知道佢要辭職，因為佢做得唔開心！其實我都有過辭職嘅諗法，其實我都曾經覺得返工好唔開心，好唔想見到啲人，有過衝動想唔做，好多朋友嘅意見係叫我唔好因為一時之氣去做一個決定，真係要細心考慮清楚，除咗要諗自己嘅經濟情況是否許可，仲要諗到身邊嘅人，例如屋企人啦，辭職雖然係一個最直接而簡單嘅解決方法，但係亦都有另外一啲途徑去改變宜家嘅狀況，例如轉部門啦，又或者係再搵過另外一份工咁．．．