尋日係一個特別嘅日子，因為同湯米拍拖第八個月喇，尋日返工仍然係好攰，放咗工等湯米放工，點知莊醫生個姑娘話個驗身報告出咗喇，咁我就去睇報告喇，其實都冇咩大問題，只係膽固醇又高咗，仲高過舊年，哈哈！真係要小心飲食同做多啲運動！

之後去咗買曬燈 Coupons，跟住去南翔食上海嘢，啲嘢幾好食喎，湯米又買咗幾件衫，哈哈，又破財！去咗 HMV 行咗一陣，跟住走 lu！收到份禮物，哈哈！

今日仲攰過尋日，請咗半日假去港龍見工，爭啲趕唔切呀，今次又衰咗喇，但今次個 interviewer 好似林憶蓮架，哈哈，個 interviewer 都幾 nice 架！其實我都幾淡定吖，唉，但都係衰咗！唯有繼續努力啦！

阿 Joe 終於決定搵到工先走喇，真係好喇！同埋阿琳話佢出年結婚喇，恭喜晒！希望我哋都可以盡快離開呢個部門啦！