今日老細放假，Office 少咗佢把聲真係清靜好多，日日都係咁就好喇！

放工去做尖，臨走換褲時發覺條西褲個側袋爆咗線喎，唔通又肥咗！！！

星期三下晝又有一個見工嘅機會，連續第四個禮拜有工見喇，係咪應該開心呢？！但事實我又冇咁嘅感覺，又要請假去見工？？？見得成嘅機會率有幾多呢？但係唔見又點知唔得呢？！同埋湯米講過，我宜家搵工，都係想有得見姐，但係唔知點解有時到真係有工叫我去見時，又唔係真係咁想去！

今晚同湯米傾咗一陣電話同埋睇咗佢新寫嘅日記，知道佢做嘢有啲嘢唔開心，我唔係好識開解人，我只係識喺度聽佢講有咩唔開心，有時都覺得好老細真係好難求！！！