好耐都未試過咁早上網喇，唔知點解，醒左又訓唔番，咁就早 d 起身做下其他野啦．．．

Update 下先，Mariah Carey 隻 Album 又上番 Billboard 第一位喇，自從 Album 推出後，隻碟都未試過跌出 Billboard 三名以外，同埋宜家已經有差唔多二百萬銷量喇，Yeah．．．P.S. Mariah Carey 第二隻派台 Single We Belong Together 己經第三個禮拜成為 Billboard Hot 100 Single Chart 第一位喇．．．

近日睇左中醫，中醫話我肝熱肺燥，嘩．．．好勁呀！但係點解只要飲兩次藥就夠架喇？？？但係自己覺得飲左又好似冇乜特別咁咋喎．．．

呢兩日都好好太陽呀，真係想去沙灘游水呀，可惜去唔到，希望下個星期都係咁好天啦，咁就可以去曬餐飽喇．．．期待．．．

Tommy 話報紙話憶蓮會簽 Gold Label 喎，就快有新歌添，唔知年尾個演唱會搞唔搞得成呢，希望開得成啦．．．咁就可以約朋友睇晒咁多場喇，儲錢儲錢儲錢．．．．．．

Sunny 呢排真係瘦左好多喎，因為我？？？點解可以瘦得咁快呢．．．哈哈．．．你要加油 Keep 住呀．．．

乜GiGi 同克勤幫新城搞音樂會咩？？？連我呢個自認係 GiGi Fans 都唔知添，唉．．．失敗．．．多謝 Raymond