好耐冇寫日記喇，宜家由五月十四號母親節寫起先！
五月十四號星期日母親節，爸爸買咗個黑森林蛋糕俾媽咪，唔知點解今年會改咗買蛋糕而唔買花呢？奇怪！不過算啦，黑森林係我最鐘意食嘅蛋糕！我起身時媽咪已經出咗去同阿姨佢哋飲荼喇，爸爸又要返工，咁我下晝就同湯米去咗做尖喇，而媽咪夜晚原來去飲喎！哈！同湯米去咗榮記食麪，但係都唔好食嘅！返到屋企等咗一陣媽咪都仲未返，咁就唯有放份禮物喺佢房就去瞓lu！呢日竟然係見唔到媽咪架！
十五號放咗工返到屋企都係四點半度，跟住突然間覺得好眼瞓，跟住就瞓咗覺，一瞓瞓到八點幾，嘩！瞓到不醒人事，好耐都未試過咁喇！
十六號星期二下晝接到個電話叫我十七號星期三四點去見工，真係好喇，又唔使請假，放咗工就可以去喇，因為間公司就係喺公司附近，今次係一間Audit Firm，叫 Deloitte Touche Tohmatsu，請緊一個Training Clerk，做啲嘢同之前喺CFB 嘅差唔多！呢日放咗工就同湯米去咗e-house 做尖，呢期都Keep 到隔日去做尖，好嘢！
十七號，今日勁慘，肚痛疴咗足足五次，搞到去見工都冇乜心機，見完覺得份工OK，自己又in 得OK 咁，又係兩個interviewers，有一個仲好似郭可盈添架，後生啲嗰個女仔好似新人咁，問我問題時仲口窒添，好似仲緊張過我，哈哈，臨走時佢話要等大概兩至三個星期先至會收到消息，但係我返到屋企唔夠半個鐘佢就打嚟叫我星期五去2nd in，突然間覺得好奇怪，點解咁急咁嘅？？？
星期四十八號個肚好番啲喇，冇肚痛lu，今日放工又係同湯米去做尖！
到了十九號喇，放咗工就去2nd in 喇，今次見我嗰兩個人都係Training 嗰邊嘅人，佢兩個都好好人，好Nice，唔會令到我好緊張！見完後覺得好似幾有機會咁，咁就好開心咁走喇！去咗間涼茶鋪度買咗樽涼茶跟住就去搵湯米喇，之後行咗一陣，食咗啲嘢，就去影身份証喇，好快就搞掂，啲人都幾好人咁，又有禮貌，哈哈！之後行咗一陣就搭電車去灣仔188 行吓，行完去食咗碗麪就返屋企喇！
＜待續＞
|
