二十號星期六又肚痛，又疴咗四次，仲要留喺公司OT，慘慘慘！不過唔使四點就走得喇！之後同湯米去康怡做尖，跟住食麥記，然後再去睇達文西密碼！套戲都冇我想像中咁悶，大部份都明嘅！但係一啲關於宗教歷史嘅嘢就唔係太清楚喇！睇完戲就返屋企喇！

二十一號星期日，瞓到下晝，呢日冇出街，留咗喺屋企！休息休息休息！

廿二號星期一，自從星期五2^nd in 完之後，好心急想收到Deloitte 嘅電話俾一個Offer 我，但又係失望收場，今日又肚痛，最後都頂唔順要去睇醫生，只係輕微嘅腸胃炎，食咗啲藥就冇痾喇，睇完醫生就如常去e-house 做尖！

廿三號放工去咗銅鑼灣同Winnie 傾埋保險啲嘢，去咗世貿間MIX 果汁店，唔覺唔覺又傾咗兩個鐘，其實買保險都幾煩，有好多嘢要傾！同Winnie 講咗去Deloitte 見工啲嘢，佢話不妨打電話去問吓個Process 去到邊，得個知字都好嘛，um… 聽完有啲猶豫！

＜待續＞