五月廿四號星期三，朝早一路做嘢一路望住個電話喺度等，但係等咗成朝，Deloitte 都冇打俾我，到咗下晝我終於忍唔住打去Deloitte 個HR 問個Application process 成點！？HR 個人話等緊佢個Manager approve，Manager 一approve 咗就會打俾我，突然間又好似有番一道曙光咁！放工去做尖，跑緊機時湯米話我個電話響，Deloitte 終於覆我喇！佢俾咗個Offer 我，但係我哋喺個返工日期度有啲問題，佢話要問吓Training 嗰邊第日先再Call 我，雖然又係要等，但係呢晚真係好開心呀！！！

星期四廿五號，下晝三點幾Deloitte 打嚟同我Confirm 個返工日期，我都問咗佢一啲Contract 嘅Terms 嘅嘢！跟住就準備辭職信即刻遞俾老細喇，我入到房同老細講：「胡Sir，我嘅辭職信！」跟住佢好淡淡然咁講咗一句：「哦，好呀！」我出番嚟之後佢就叫咗Officers 入房傾嘢！跟住臨放工時佢同Katherine 叫咗我入房，問我搵咗份咩工呀，叫我俾啲心機做呀，趁後生讀番多啲書呀，好似好好人同好關心我咁，傾咗一陣就出番嚟lu！消息真係傳得好快，返到屋企一陣就收到阿Joe 嘅sms 問我係咪搵到工！哈哈！但係最意外係收到Katherine 個sms，佢話雖然係唔捨得，但係都祝我事事順利，越做越好！Thanks！

夜晚就去咗睇周慧敏演唱會！

星期五下午放Sat，放咗工食咗啲嘢就去買Lunch 俾湯米，哈哈！之後去咗銅鑼灣同Winnie 傾保險，終於都傾得七七八八！跟住返屋企換衫，本來幫個同事去屋企附近間賣日本嘢食嘅鋪頭幫佢買雪糕，但係未返貨，白行一趟！之後又趕返落銅鑼灣同Sunny 食飯，哈哈，又遲咗少少添，之後去咗食上海嘢，送咗份生日禮物俾Sunny，係個袋嚟架，雖然係遲咗個幾月，但係遲送好過冇送吖，食完飯行咗一陣，跟住就去食糖水，食完煻水Sunny 要去Join 佢班舊同事，而我都返屋企喇！

星期六又係放Sat，瞓到唔知醒，要湯米打嚟先醒，食咗個好難食嘅午餐，跟住就去剪髮，阿Tik 剪得真係好細心架，哈哈！剪完髮去尖沙咀百利行咗一陣，去咗一間韓國快餐食嘢，入到間鋪覺得真係好有韓國啲地道飯店Feel 架，不過係Cheap 嗰隻，食完就去睇周慧敏Concert 喇！原來我大佬今晚都有去睇Vivian 喎！

尋日星期日去曬燈，再去做尖，但係好似冇晒力咁，好攰，都冇心機做，做完尖同湯米去咗188，行咗一陣湯米就同屋企人食飯做節，我就返屋企喇！

今日問米婆請病假，個Office 又好靜，好悶，悶死我喇！

<完>