今日係端午節，可以瞓到點幾先起身，真係好喇！起身煲水沖麥皮食，睇吓報紙，刷牙洗面洗頭沖涼跟住執嘢出去同湯米落太古做尖，嘩，好多人呀！做完尖去睇X-MEN III，但係就搞咗個大頭佛出嚟，事緣尋晚上網訂飛，咁照平時咁揀位打Credit Card Number 啦，點知搞掂晒Confirm 埋先睇到點解個戲名係職業特工隊III 嘅，哈哈，原來我揀錯戲呀，超白痴呀！好在去到戲院湯米同個職員講轉番，本來都唔得架，但係湯米講多幾講，又換得番呀！好嘢！其實X-MEN 第一二集我都冇睇，但係都唔覺得太悶，哈哈，都幾好睇！

今日湯米朝早飲完茶去咗銅鑼灣，佢打俾我時我都估到佢去幫我搵碟架喇，因為我之前同佢講過想搵番松田聖子96 年隻碟Vanity Fair，真係估中咗，佢幫我買咗，記得九六時嗰時，松田聖子係差唔多時間出咗Vanity Fair 呢隻日文碟同埋Was It The Future? 呢隻英文碟，日文碟個封面就Sell 可愛（但係當時松田聖子已經唔係後生女架喇！）英文碟個封面就型啲同Cool 啲！Vanity Fair 喺日本大賣，但係Was It The Future? 就仆直，喺美國就更加唔使講啦，當時Channel V 成日都播佢啲MV 架，一日播好多次架，有隻日文歌好好聽，叫唔知乜乜~Missing You，因為係日文，所以唔係咁知個歌名，哈哈，宜家聽番都好好聽架！好多謝湯米！^__^