和你走在一起己經不知不覺三年半了，過去幾年好似過得好快，又好似過得好慢，其實你有冇諗過我鐘意你乜野呢？你好似從來都冇問過我，我也沒告訴你我喜歡你甚麼。其實兩個人相處最緊要覺得舒服，見到你時，我覺得最自在，最舒服，在你面前可以做番我自己，有時我會發脾氣，有時我會癲癲得得，有時又會咩都唔講，我真係好多謝同埋感激你可以容忍我的壞脾氣和包容我的缺點，仲有我好欣賞你孝順屋企人呢個優點，呢方面我要向你多多學習。

其實我地兩個的性格同興趣都好唔同，你喜歡成日講野，而我卻不愛多說話，你好像一個大細路咁，永遠都長唔大，而我卻是一個典型多愁善感的天蠍座男人，你喜歡的偶像，我卻不喜歡，你鍾意行玩具鋪，但我喜歡行唱片鋪多些，你鍾意打波，我卻只願花時間做健身，你喜愛一日講幾次電話，我寧願聽著我的 mp3，有時就係咁，兩個咁樣性格的人走在一起，這就叫緣份。

由我讀緊書，到畢業再失業，由工作上遇到的不如意事，在你面前哭過，到當身體有毛病時，在你面前表現得如何憂慮，你總是站在我身邊，支持我同安慰我，從來都冇離棄過我，可是我從沒有向你說過一聲多謝。

呢三年幾入面，由於你的遷就，我們甚少鬧大交，有時我會諗點解我地未試過嬲對方超過一日呢？真係大家都咁順得人意？還是大家對大家的愛都未夠深，未為對方的事著緊和放上心呢？我唔知我地將來會點，我地仲會一齊多一年？三年？還是一世？但我只係想大家思想上可以一齊進步，要是當大家發覺所需要的東西不同時，便是時候想想這段感情是否還應繼續了。

你知我下次見到你時我會問你甚麼嗎？哈哈