尋晚同 Raymond 去會展睇新城勁爆唱作之合音樂會，有李克勤同梁詠琪，仲有特別嘉賓張敬軒同王菀之，最好睇都係張敬軒同王菀之那部份，仲有佢地合唱左"Sorry Seems To Be The Hardest Word"，真係好好聽，仲有張敬軒唱現場真係好好好好好正呀！！！王菀之講野把聲好好笑！聽完現場版既一秒感動之後，對呢隻歌加左唔少分呀！但係講到有咩唔好睇呢，就係李克勤唱醫道、球迷奇遇記同埋閃電傳真機．．．聽到一額汗．．．同埋佢十年如一日的歌聲，仲有個金毛頭，睇同聽都覺得有 D 悶！仲有梁詠琪都唔好得去邊，雖然佢唱現場係好左，但係唔知點解尋晚佢成日記錯歌詞，又甩咀，仲有唱左好少自己歌咋，同埋佢唱快歌真係好得人驚，唱到 High High 地就出事，唉！！！但係都好驚喜佢會唱憶蓮既日與夜、周慧敏既最愛，但係唔鐘意輕快版既三千零一夜同跳傘囉．．．想點呀，最意外都係見到范掁鋒呀！！！哈哈哈