今日係中五會考放榜嘅日子，今日喺街度見到好多學生，仲見到有啲喺條街度喊，諗番起以前，已經係八年前喇，自己會考放榜只係得十一分，但係我一早都預咗架喇，其實都一心諗住讀 IVE，所以都只係求其搵吓學校，睇吓有冇意外有學校收，都唔算太徬徨，原來已經係咁多年前嘅事，覺得自己已經好老，哈哈，有時有個諗法，好想返番去以前，宜家出到嚟做嘢，先明白到點解以前啲大人會話讀書係最幸福架，原來係真架，讀書嗰陣真係開心好多，咩都唔需要去諗太多，每個朋友都好真，唔會用一個假面具去對住你，有時真係覺得冇好好珍惜以前讀書嘅生活，有點浪費咗咁，但係人始終都要向前走，如果我有六十歲命，我已經用咗一半嘅生命喇，餘下嘅路點走，真係要認真諗吓，計劃吓，如果唔係浪費咗，第時後悔就會太遲喇！

今日朝早請咗半日假去銀行交 Form 同埋搞埋啲手尾，湯米今日特登請咗一日假嚟陪我，仲一早買埋早餐俾我食添，哈哈，臨返工前去咗銅鑼灣行咗一陣，無意中知道 W 創作社有新 Drama，咁於是就同湯米去買飛喇，食過麥記就返工，下晝不斷係咁做，又到五點半放工！

放工原本約咗 Sunny 去食飯，但係一來天氣唔好啦，二來佢下星期要去做體能測試，去考懲教署，要去練跑，所以今晚餐飯又順延到下星期喇！

呢幾日啲空氣好差，搞到我個鼻又不停咁流鼻水，好辛苦呢，唉！

頭先睇勁歌金曲有 Jolin，跳得好勁呀，但我唔相信佢係咪咀架，好期待佢九月份嘅演唱會呀！！！

宜家出面好大雨呀，又行雷，但係頭先睇新聞話個颱風已經減弱咗喇，其實我都唔係咁想打得成八號風球，做嘢會好麻煩架！