尋日同今日返工都好充實，好多嘢做，今日要做到七點三先走，放咗工去咗中環上海總會食飯，有 Flora、Candy、Winnie、Apple、Shelley、Karen、Anita 同埋 Tracy，今餐飯係同舊老細單太預祝生日，今晚啲嘢食好好味呀，又大碟，食飯個氣氛仲好好添，同佢哋食飯就好似同一班舊朋友聚舊咁，好開心，真係好掛住以前大家一齊做嘢嘅日子，唔知第時仲可唔可以遇到好似佢哋咁好嘅同事呢？可惜今晚阿 Nick 同 Perman 又嚟唔到，話時話，都好耐冇見過佢哋喇，唔知佢哋近排好嗎？！

今晚覺得單太後生咗，以前未見過佢咁嘅打扮，好似有活力咗，今晚對住佢哋我又講多咗嘢喎，冇以前咁靜喇！