尋日返工好忙，好多嘢做，因為下個月就會有百幾個新人返工，所以要預備 Training Courses 俾佢哋，雖然多嘢做，但係 Jessica 放假，冇佢把聲喺度真係舒服好多，又冇咁嘈，總之係寧靜的一天啦！放咗工好攰呀，返到屋企食咗啲嘢就瞓著咗喇，瞓到八點就去沖涼，但係個熱水爐壞壞哋，不停咁漏水，食完飯之後，到大佬沖涼時個熱水爐已經唔用得喇，唉，又冇熱水用，點算好呀，老豆仲話搵人嚟睇過，要換零件，起碼要成個星期先整得好，救命呀！！！執吓嘢睇吓電視又差唔多瞓喇，就係咁度過咗討厭的星期一喇！

今日星期二，又好好太陽喎，真係唔想返工，好想去沙灘呀，今日起身冇熱水，用凍水洗頭，好凍，今日返工的心情好差，好想搵人鬧，見到邊個都好似好唔順眼咁，尤其係我個拍檔 Terence  同個掃把 Jessica，一聽到佢哋把聲，我就好頭痛，一朝早喺度就係咁傾傾傾，真係得閒，原來公司請佢哋返嚟係傾偈，見到佢哋真係得閒到週圍搵人吹水，都唔係做嘢，錯，佢哋應該係冇嘢做先啱，但係佢哋把口成日都會話好忙好多嘢做，我真係好憎呢啲人！我發覺我好似唔屬於佢哋，我真係唔想改變我自己去迎合佢哋嘅做嘢同溝通方式，點解佢哋可以咩嘢都可以講一餐同搭咀呢，可能我覺得佢哋有問題嘅同時，佢哋都會覺得我融入唔到佢哋嘅圈子！我又有一種想唔做嘅感覺喇！但係點可以呢，啱啱先報咗個 Course 讀，唯有做住先啦，見到有工啱就轉啦！

其實我都有諗過係咪我自己有問題呢？！係咪我太被動呢？！係咪我唔識得去 Social 呢？！其實我都試過去同佢哋講多啲嘢，得出嘅結果係其實大家對於大家所講嘅話題都冇乜興趣，就算一齊食飯，佢哋都係鐘意講吓公司啲人同埋是非，真係好煩！同埋發覺佢哋真係唔知咩叫做禮貌，Jessica 仲話佢哋個個都係大學生，教養唔會太差，但係我眼見嘅唔係咁，好多人隻眼都係生喺個額頭度！唔好話講禮貌，佢哋連尊重人嘅基本要求都做唔到，真係好失望呀！我今日真係好慶呀，今晚同湯米去做尖，不停喺度“申”，仲嬲到我爆粗，真係唔鬧佢哋係仆街都唔得呀！收皮啦你哋！