有日無聊發呆諗緊將來既我會係點樣呢？我係度諗，如果下半年可以轉到工，咁我就可以儲幾個月錢，唔好咁大使，跟住出年就可以試下自己搬出去住，然後呢．．．當份新工穩定 d 既時候，就可以去搵 d 野學，學咩都得啦，可以學日文啦，考車牌啦，學煮野食啦，又或者讀番書，但最想學既就係學彈琴，有拖拍的話又可以拍住拖咁係屋企煮飯、睇電視，攬住自己鐘意既人一路訓到天光，好幸福呀！！！ 起身之後一齊食早餐，一齊出門口返工，星期日又可以約爸爸媽咪去飲茶，好天又可以去沙灘游水，又可以去做 Gym，哈哈！呢個簡直係我既 Dream Life 呀！！！