今日瞓到十一點時發咗個惡夢，跟住就醒咗，發夢做唔晒啲 Training Materials，趕唔切下星期俾啲 SA1 嚟上堂，真係好驚，第一次覺得呢份工有壓力！好恐怖！

之後起身去咗觀塘搵湯米，諗住俾個驚喜佢，去到巴士站又走咗班車，次次都係咁，去到觀塘打俾湯米，佢又唔信我過咗嚟，哈哈，之後我哋去咗三家村，好似去咗南丫島咁，但係好熱，又冇乜風喎，但係望住個海真係幾舒服，行咗一陣，買咗啲小食跟住就送番湯米返觀塘，然後我就出去旺角喇！

約咗 Trevor 四點半喺旺角等，但係佢又遲到，行咗一陣，一路行一路傾，到六點三就去常滿百家菜食飯，一百一十八蚊任叫任食，好多嘢食，好飽，講吓返工，讀書，拍拖，咩都講吓，今次見佢覺得佢個頭又好似大咗，肥咗少少，但係好白，仲有唔係好慣見佢係黑色頭髮個樣，原來佢下星期開始會返 Poly 上堂，唔知遲啲我返學會唔會見到佢呢？