今朝五點幾俾姑姐嘈醒咗，原來係老豆唔舒服，個肚好痛，於是媽咪諗住同佢去急症室，而姑姐就叫醒哥哥陪佢哋去醫院，但係隔咗一陣，老豆又話冇咁痛，又唔去醫院喇，晏晝打返去問媽咪老豆有冇去睇醫生，但係老豆唔肯去照 X 光，只係攞咗啲藥食就算！但係好似話冇咩事，好彩！

今日 Judy 請病假，Office 又好少人，今日主要都係教 Eric 做嘢，講到我口水都乾，睇嚟佢對電腦唔係咁熟！放工去咗蝦麵店食咗啲嘢，跟住就去做 Gym 喇，好似冇以往嘅星期二咁多人喎，幾好，十點幾就走喇！仲跑咗九個字機，努力減肥中！

今日放工唔記得拎電話，哈哈，真係大頭蝦！仲有又唔記得去寄 CEF Application Form，聽日一定要寄喇，記住呀！！！