十月十一日，星期三，放咗工去咗時代同 Flora & Shelley 食飯，呢餐飯本來八月尾就應該食架喇，但係因為各人唔得閒，所以一推再推，推到呢日先有機會食，喺時代地下櫃員機攞完錢，行行吓，突然覺得迎面行緊過嚟個女仔好熟口面，原來係 Olivia，我即刻叫佢，好耐冇見過佢喇，佢重俾咗張咭片我，原來佢宜家喺太古坊返工，我哋仲話遲啲再約埋啲舊同學出嚟食飯！

到七點半，我就去到小南國坐低等 Flora 同埋 Shelley 喇，但係佢哋都遲到，等到我發晒呆，今晚食嘅嘢麻麻啦，好油同好肥，佢哋問我讀書讀成點，又叫我俾啲心機呀，攞個好啲嘅 Honours，知喇知喇，好大壓力呀！