今日本來諗住十點半起身做功課，但係又唔願起身，瞓到十二點，起身做咗陣 PowerPoint，跟住湯米打俾我話喺旺角嚟緊，跟住我就即刻洗頭沖涼換衫！我哋之後搭巴士過去電影中心，原本睇兩點半，但係我哋一點八就去到喇，跟住見有時間多去咗義順食嘢，有雞翼通粉加餐肉雙蛋，嘩，好豐富呀！食完就去咗睇“情碎的天空”，幾好睇吖，但係成套戲冇乜對白，兩個男仔由相遇到熱戀，跟住其中一方看上另一人而冷落自己的男朋友，到大家分手，然後被拋棄的一方搵到新的另一半，花心人又想去同人復合，但係個結局唔係好明！套戲足足做咗成兩個幾鐘呀！但係又唔覺架！

之後同湯米去咗銅鑼灣行咗一陣食埋嘢就返屋企做功課喇，但係仲有個同學未 Send 佢個 PowerPoint 俾我，仲未可以 Finalize 個 ptt，真係討厭！

宜家覺得每個星期都過得好快，公司又多咗嘢做，星期一同星期四又要返學，又要做功課，有時想去做尖都冇時間，我諗我星期六日唔可以再瞓咁多，要抽多啲時間出嚟做功課先得喇！