今日放工約咗 Sunny 食飯，今日瞓醒隻右眼腫咗，可能係尋晚捽眼之故，所以去食飯之前自己走咗去睇醫生先，又係發炎，第一次要搽藥膏入隻眼度，嘩，好得人驚！

今晚同 Sunny 去咗小城之味度食，原來呢間鋪做到月中就結業喇，因為租約期滿，有啲可惜，因為呢度個小食拼盆同埋個瑤柱蛋白炒飯係好好食架！Sunny 送咗個袋俾我呀，係 Porter 嚟架，係 Sunny 專登叫佢同事喺日本買返嚟，多謝晒，我好鐘意呀！但係其實唔使買咁貴嘅生日禮物俾我架！

食完飯之後行咗銅鑼灣一陣，行咗一陣就好攰喇，大家第二日都要返工，所以就返屋企喇！