今日同 Gloria、Raymond 同埋何嘉喬入咗去科大，因為同阿單影畢業相，今日唔知點解隻右眼又腫番，好樣衰，去到科大，第一個感覺係好大，好靚，背山面海，望住個海好舒服，見到好多人喺度影畢業相，有屋企人，有朋友，好開心，好可惜自己冇讀過大學，雖然宜家讀番個 Part-time Degree，但係我諗同 Full-time 喺大學讀三年或者四年係完全兩件事，至少我已經唔可以試吓大學生的生活係點，都算係一種遺憾，以前讀書就想快啲出嚟做嘢，宜家就想返去讀書，見到公司新請啲 Accountants，個個都係八三八四年出世，會覺得自己好老！其實真係唔細喇，廿六歲，要成熟啲！

之後同湯米去睇 Eating Out 2，一套笑片，完全係笑完就算，睇完食咗啲嘢就返屋企喇，一個星期只係放一個星期日真係好似冇放過假，好似冇抖過咁！