今日個 OA 又有新“杰”作，唔記得影印 Handouts，同埋又遲咗返嚟 Set 房，搞到我一朝早又要幫佢執手尾！今日超忙，成日都冇乜點出聲，只係想快啲做完啲嘢，今日十一點幾就去咗香格里拉食 Lunch Buffet，係我哋 Learning 嘅 Christmas Lunch，好多甜品呀！但係好可惜食唔晒，下晝就同同事交換禮物！

今晚要返 Poly 上 Make-up Class，只係上咗一個鐘就走得喇，之後我呃湯米話我返緊屋企，但係其實就係去搵佢，搭 215X 再轉 1A，好快就到觀塘喇，湯米今晚唔舒服，佢話好似想作病咁，其實我都諗咁凍，好唔好去搵佢呢，去到佢又要落嚟，可能又會凍親，但係最後我都去咗搵佢，我俾咗條頸巾佢，等佢唔使咁凍，之後我哋去咗食粥，點知又搞咗個大笑話，激死我呀！哈哈，跟住行咗一陣，佢送我去搭車，跟住湯米都返屋企喇！