今日終於都做完份 Late Report，好嘢，呢幾日公司啲人好有 Holiday Mood，好嘈好熱鬧，今日放工去咗等湯米放工，因為湯米今晚要開會，原本諗住喺公司做吓嘢，但係又唔係咁想喎，所以五點九就走咗，行行吓去咗麥記食咗啲嘢，行到湯米公司附近佢就打俾我話走得喇，跟住我哋去食咗啲嘢就去做尖喇，湯米今日仲係病病哋，全晚都冇乜點郁，其實你唔舒服可以唔使陪我去做尖架嘛，傻佬！

尋日睇報紙話有個仔同佢老婆呃自己個阿媽一齊去歐洲旅行，然後特登放低佢喺嗰邊，唔理佢，由佢喺嗰邊，自己兩個就返香港，好彩有領事館啲人帶番個婆婆返嚟，但係自己個仔同媳婦已經執晒嘢走，睇完呢個新聞之後覺得好心酸，點解咁嘅嘢都做得出架，仲有冇人性架，嗰個係自己個阿媽嚟架，唔理佢不特止，仲要掟佢去咁遠，個老婆婆又唔識路，又溝通唔到，如果冇人幫佢，我諗佢連乞食都乞唔到，點解呢個世界會有啲咁冷血嘅人架！